lunes, 24 de abril de 2017

APADRIÑAMENTOS LECTORES

O apadriñamento lector é un proxecto de animación á lectura de carácter transversal. Consiste en que o alumnado de cursos superiores (de 3º a 6º) sexan padriños /madriñas do alumnado de cursos inferiores (dende infantil 3 anos ata 2º nivel) para compartir momentos de lectura.
Os padriños/madriñas terán a función de ler contos aos seus afillados/as.
Con esta actividade preténdese mellorar os diversos contidos da lectura e ademais desenrolar relacións interpersoais entre o alumnado do centro e o achegamento entre nenos/as de diferentes idades.

Esta actividade desenvolveuse hoxe no noso colexio para celebrar o Día do Libro.
Tivo moito éxito!!

jueves, 20 de abril de 2017

DÍA MUNDIAL DO LIBRO

ACTIVIDADES QUE REALIZAREMOS NO NOSO CENTRO:

a) APADRIÑAMENTOS LECTORES: o alumnado de 3º, 4º, 5º e 6º niveis actuará como padriño/madriña dos nenos e nenas de Infantil, 1º e 2º niveis aos que lles lerán un libro.
Esta actividade terá lugar o luns 24 de abril despois do recreo e realizarase no exterior, nos patios e zonas axardinadas do colexio.
Cada padriño e madriña obsequiarán aos seus afillados/as tamén cun marcapáxinas e os afillados/as farán o mesmo.


b) CONCURSO "QUE LIBRO É?": realizado xa o curso anterior con moito éxito, está destinado a E. Primaria e consiste en adiviñar o título dun libro coñecido polo alumnado a través dunha serie de pistas que se van dando. O libro é diferente segundo os niveis (Un título para 1º e 2º, outro para 3º e 4º e outro para 5º e 6º)
O curso ganador terá un premio especial pero tódolos cursos participantes recibirán un agasallo.
Os cursos ganadores e a antrega de premios terá lugar o xoves, 27 de abril na biblioteca do centro.


 c) VISITA DE IAGO LÓPEZ e LEDICIA COSTAS O venres 28, visita o noso centro o contacontos e escritor Iago López, autor do libro "O cociñeiro Martiño" que o alumnado de 2º nivel leu como lectura obligatoria este curso.
Iago López actuará para os nenos e nenas de Infantil, 1º e 2º niveis.
O día 3 de maio visita o noso centro Ledicia Costa que vén para falar co alumnado de 5º e 6º de Primaria sobre o seu libro "Escarlatina, a cociñeira defunta" que foi o libro que leron estes nenos/as.



 



ESCOLA DE MÚSICA

Onte viñeron a visitarnos o director e profesores/as da Escola de Música de Burela.
Ensinaron a todo o alumnado de Primaria o nome e o uso de diferentes instrumentos e interpretaron unhas pequenas pezas musicais. Tamén invitaron a aos nenos e nenas a un obradoiro que vai haber na Escola proximamente.
A montaxe do vídeo é obra de Pili Vázquez. 
Pulsa AQUÍ

miércoles, 19 de abril de 2017

ENCONTROS PLAMBE 2016/17 EN SANTIAGO. VÍDEO-RESUMO

Vídeo-resume dos Encontros do Plan de mellora de bibliotecas escolares 2016/2017, celebrados os días 16 e 17 de marzo de 2017 no Palacio de Congresos de Santiago de Compostela. Asistiron, convocados porla Consellería de Cultura, Educación e O.U., un total de 615 profesores e profesoras, todos eles responsables ou integrantes dos equipos de biblioteca dos seus centros, integrados neste programa da consellería que pretende a renovación e actualización constante das bibliotecas dos centros non universitarios e que beneficia ao 66% do alumnado dos centros públicos galegos.

Obradoiro de xoguetes antigos

Seguindo co noso PDI (Concellos da Mariña lucense) e no caso de 3º nivel, Lourenzá, quixemos traer ao cole algunha persoa que fose relevante dese concello e atopamos a Xosé López González, profesor de Lingua e Literatura Galega no IES Indalecio Pérez de Tui. Xunto con José Manuel García Fernández investigou  sobre os xoguetes tradicionais e froito desta paixón común nacen os libros "Os xoguetes esquecidos I", "Os xoguetes esquecidos II" e " Xoguetes naturais. Argalladas dos pícaros. Primavera-verán" e tamén o audiovisual "Tempo de xogar" que nos mostran como crear xoguetes a partires de elementos da natureza.
Tivemos, grazas a Xosé, a oportunidade de desfrutar no noso colexio dunha actividade nova e diferente que encantou aos nenos e nenas. Foi un obradoiro moi dinámico onde o alumnado tivo ocasión de ver un vídeo sobre como eran os xoguetes en tempos pasados, despois elaboraron un chifre a partires da bugalla dun carballo e por último tiveron ocasión de ver "In situ" xoguetes tradicionais que foron pasando de man e man.
Pasámolo moi ben. Grazas, Xosé!
 

lunes, 17 de abril de 2017

ENTREVISTA A RUBÉN GARCÍA (ESCOLAS DEPORTIVAS DE LOURENZÁ)




Dentro do PDI (Proxecto Documental Integrado) impulsado dende a biblioteca este curso traballamos "CONCELLOS DA MARIÑA LUCENSE". En 3º nivel eleximos o concello de Lourenzá e como as Escolas Deportivas deste concello son moi importantes a nivel local e toda a Mariña, en 3ºA entrevistamos a unha persoa que está impicada nelas dende o seu comenzo e aí segue, xestionando e organizando varios aspectos do clube ademais de ser entrenador de atletismo.

Trátase de Rubén García Piñeiroa, nacido en Villaronte (Foz), licenciado en Ciencias da Actividade Física e do Deporte e que exerce como profesor nun colexio de Foz.

      - Cando empezou a traballar nas escolas deportivas de Lourenzá?
  • Pois xa hai uns 21 anos. A primeira vez que estiven en Lourenzá fará uns 22 anos, impartindo un curso de fútbol con outros compañeiros que daquela organizaba o Deportivo (Viñemos dende Coruña xa que eu estudaba alí)
    Cando rematou o curso, o concelleiro de deportes daquela, Vidal Martínez Sierra, comentou que era unha pena que non foramos de pola zona porque quería facer algo relacionado co deporte en Lourenzá. Como coincidíu que eu son dunha parroquia de Foz (Vilaronte) deseguida empezamos a quedar varios fins de semana para tratar de levar adiante este proxecto.

  • En que consiste o teu labor?
  • Como o clube e a vila son pequenos pois toca facer un pouco de todo. Xestiono o apartado deportivo, económico e social do clube; organización de eventos e como adestrador encárgome xunto con outros compañeiros da sección de atletismo.

  • Que deportes de poden practicar nas escolas?
  • Agora mesmo ofertamos: fútbol sala, atletismo, duatlon, baloncesto e patinaxe. Está en estudo a sección de pádel agora mesmo.

  • Os nenos e nenas que acoden á Escolas, son todos/as de Lourenzá?
  • Actualmente, dos 200 nenos@s que temos nas escolas, proceden, a maioría, do Concello de Lourenzá pero veñen tamén moitos@s dos concellos de Barreiros, de Mondoñedo, de Ribadeo, Riotorto, Trabada, A Pontenova, incluso de Asturias (temos dúas nenas en atletismo de S. Tirso de Abres) e tamén de Lugo capital temos nenos@s en atletismo.

  • Participades nalgún campionato?
  • Siiii...tódolos equipos e seccións participan en campionatos, a maioría deles federados. Comezamos a pretemporada en agosto e a partires de setembro tódolos equipos e seccións comezan a competir.

       - Cantos trofeos tedes? 
       Jajaja...Unha vitrina xa abarrotada....
  • De tódolos xeitos, o trofeo no deporte é secundario. O importante é que o alumnado se eduque, se forma e sacrifique día a día. Logo, o resultado chega por si solo.

  • Cantas categorías deportivas tedes en cada deporte?
  • Depende un pouco de cada sección...Pero agora mesmo, na maioría dos deportes vamos dende a categoría pitufos (4-5 anos) ata a categoría absoluta (máis de 18) pasando por prebenxamín, alevín, infantil, cadete e xuvenil.

  • Cantos deportes se practican cada día?
  • A maioría deles adestran case tódolos días, a excepción do luns que é o día que temos de descanso. Pero podo dicirvos que temos nenos@s en atletismo (a partires de cadete) que adestran tódolos días e só descansan o luns; incluídos sábados e domingos.

  • Cantos entrenadores/as hai?
  • En fútbol e fútbol sala temos 8, en basket, 2; en patinaxe 1; en atletismo 4 e un adestrador de porteiros. En total 16 adestradores e 15 directivos que traballan de forma voluntaria para sacar isto adiante.

  • De onde sacades o diñeiro que necesitaredes?
  • Esta é unha moi boa pregunta porque se o tema económico non funciona o resto tambaléase. Temos un presuposto duns 100.000€ que se consiguen a través de socios, patrocinadores, bar vallas d epublicidade, lotaría, subvencións públicas do concello de Lourenzá, Deputación e Xunta de Galicia.

  • Tedes previsto incluir outros deportes no futuro?
  • Si. Estamos estudando o pádel, que agora mesmo está moi de moda e temos unha nova pista en Lourenzá.

  • Cantos nenos/as hai agora mesmo nas Escolas?
  • Estamos nos 200 nunha vila de 2600 habitantes.

  • Cando vostede era pequeño asistía a algunha Escola coma esa?
  • Non...de pequeno estudiei no colexio público de Fondo Nois e alí xogabamos ao fútbol, fixen ciclismo, tenis...un pouco d etodo. Agora volvo a correr pero por dar exemplo aos nenos da sección.
  • Como son as instalacións para realizar os diferentes deportes?
  • Centramos as actividades no pavillón e campo de fútbol. Está ben aínda que sempre queremos que estean mellor.

  • Cal é o deporte ao que máis nenos/as acoden?
  • O fútbol, sempre é o fútbol a onde máis acoden aínda que agora mesmo en atletismo xa temos 80 nenos/as anotados.

  • Pensas que a existencia da Escolas Deportivas aporta prestixio ao Concello de Lourenzá?
  • Eso sen dúbida...jejeje...Lourenzá agora é coñecido polo deporte e polas fabas!!

Moitas grazas, Rubén.


Alumnado de 3ºA

martes, 4 de abril de 2017

DONACIÓN DE LIBROS

Pablo Alonso, alumno de 6ºA, fixo unha donación de libros para os máis pequenos. Trátase da colección de libriños "LEO CON BUBELA" axeitada para o alumnado que empeza a ler.
Moitas grazas, Pablo!!

sábado, 1 de abril de 2017

SEGUIMOS RECIBINDO LIBROS!!

Estos son algúns dos novos libros que acaban de chegar á nosa biblioteca:

 EL SECRETO DE LARA de Helena Kraljic. Ed Monterrey

Un libro orientado para E. Infantil e 1º e 2º de Primaria que trata dunha nena que vai á escola e ten medo de que os compañeiros/as lle descubran o segredo que garda: sofre de ataques epilépticos...
Daralle un ataque estando na escola?
Será rechazada por eso?



BESOS PARA PAPÁ de Frances Watts. Ed Monterrey






Orientado para Infantil e 1º e 2º nivel, álbum ilustrado cunhas magníficas ilustracións e unha moi tenra historia dunha familia de osos. 







 Estes libros veñen a sumarse aos que temos xa na biblioteca dende hai anos e completan toda a colección
Son libros que encantan aos nenos e nenas e tratan valores como a tolerancia, a paz, a autoestima...Estes que acabamos de recibir tratan a sinceridade, a alegría e a fortaleza.